როგორია ხელოვნური ინტელექტის შესაძლებლობები და შრომის ბაზარზე მის შემოსვლა. თუკი ბოლო წლების და გასული თვეების განმავლობაში ვსაუბრობდით მასზე როგორც მომავლის ტენდენციაზე, დღეს უკვე ის აქტიურად იკავებს თავის ადგილს და გარდამტეხ ცვლილებებს გვთავაზობს ისეთ სექტორებში, სადაც ავტომატიზაცია სწრაფად და ეფექტურად შეიძლება: ეს არის საკომუნიკაციო მომსახურება, ადმინისტრაციული თანამდებობები, მონაცემების ანალიზი, კლიენტებთან ურთიერთობა, სწრაფი კვება და სხვა.

მაგალითად, ფინანსურ სექტორში AI უკვე ასრულებს ისეთ ფუნქციებს, რომელთა შესრულებას ადრე ანალიტიკოსებს დღეები სჭირდებოდათ. კაფეებში უკვე გამოიყენება ავტომატური რძის მორევის მოწყობილობები, ხმოვანი შეკვეთის სისტემები და სერვის-რობოტები.

ამავდროულად, ხელოვნური ინტელექტი ქმნის ახალ პოზიციებსაც ისეთ სფეროებში, როგორებიცაა: AI მოდელების მართვა და მონიტორინგი, ეთიკური რეგულაციების შემუშავება, კრეატიული კურატორობა, ტექნიკური მხარდაჭერა და ტრენინგი და სხვა.

სად არის ამ პროცესში საქართველო და ადგილობრივი შრომის ბაზარი?

სტუმარი: მედეა ტაბატაძე - საკონსულტაციო და რეკრუტინგული კომპანია Insource-ის მმართველი პარტნიორი

#ახალიამბები #BusinessMediaGeorgia