ბოლო 25 წლის განმავლობაში, გლობალური გენერაციის დადგმული სიმძლავრე არაგანახლებადი წყაროები გაორმაგდა, ხოლო განახლებადი წყაროების დადგმული სიმძლავრე ხუთჯერ გაიზარდა. ამის შესახებ „თიბისი კაპიტალის“ კვლევაშია აღნიშნული.

კერძოდ, 2000 წელს, გლობალური გენერაციის დადგმული სიმძლავრე 3.5 ტერავატს შეადგენდა, 2025 წლისთვის კი ეს მაჩვენებელი 9.5 ტერავატია - მათგან 53% არაგანახლებად წყაროებზე მოდის, ხოლო 47% - განახლებად წყაროებზე.

აღსანიშნავია ისიც, რომ გლობალური განახლებადი ენერგიის დადგმული სიმძლავრის დეკომპოზიციამ მნიშვნელოვანი ცვლილება განიცადა, განსაკუთრებით ბოლო ათწლეულის განმავლობაში.

განახლებული მონაცემებით, განახლებადი ენერგიის გამომუშავებაში მზის წილი 42%-მდეა გაზრდილი, ჰიდროს წილი 29%-ს შეადგენს, 26%-ია ქარის წილი, ხოლო 3% - სხვა განახლებადის.

პუბლიკაციაში ხაზგასმულია, რომ ბოლო ათწლეულში მზის ენერგიის მნიშვნელოვნად გაზრდილი სიმძლავრეები, მეტწილად, ტექნოლოგიის ფასის საგრძნობი შემცირებით აიხსნება.

სტუმარი: თორნიკე დარჯანია - საქართველოს მზის ენერგიის განვითარების ასოციაციის თანადამფუძნებელი;

#ახალიამბები #BusinessMediaGeorgia