უძრავი ქონების უახლესი სტატისტიკით ვხსნით გადაცემის ამ ნაწილს. მაისში მშენებლობა გაძვირდა. საქსტატის ინფორმაციით, 2025 წლის მაისში მშენებლობის ღირებულების ინდექსი წინა თვესთან შედარებით 0.2%-ით, ხოლო წინა წლის შესაბამის თვესთან შედარებით ინდექსი 5%-ით გაიზარდა.ზრდა ძირითადად, განპირობებული იყო სამშენებლო მასალებზე ფასების 0.3%-იანი ზრდით, რამაც 0.18 პროცენტული პუნქტი შეიტანა ჯამური ინდექსის ცვლილებაში.

რაც შეეხება წლიურ ზრდას, საქსტატის ინფორმაციით, უმეტესწილად, გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 17.8%-იანი ზრდით და სამშენებლო მასალების 2%-იანი გაძვირებით, რამაც შესაბამისად, ჯამური ინდექსის ცვლილებაში 3.62 და 1.23 პროცენტული პუნქტი შეიტანა. აღსანიშნავია, რომ 2022 წლის თებერვალთან შედარებით მშენებლობის ღირებულების ინდექსი 23%-ით არის გაზრდილი.

რა ტიპის მშენებლობებია ქვეყანაში გაძვირებული, როგორია ტენდენცია და მოლოდინები, უძრავი ქონების ფასთან დაკავშირებით?

სტუმარი: თამარ კანთელაძე - “სეილსკომის” დამფუძნებელი

#ახალიამბები #BusinessMediaGeorgia