უკანონო შრომით მიგრაციასთან ბრძოლის მიზნით, "ქართული ოცნება" „შრომითი მიგრაციის შესახებ“ კანონს ამკაცრებს.
კანონპროექტის თანახმად, რომელიც ერთპარტიულ პარლამენტში დაჩქარებულად განიხილება, შემუშავდება და დაინერგება უცხოელის დასაქმებისთვის სპეციალური სამუშაო უფლების გაცემის მექანიზმი. ამასთან, დამრღვევი მიგრანტებისთვის ჯარიმა შემოდის, ხოლო დამსაქმებლებისთვის - იზრდება.

დოკუმენტში მოყვანილია სტატისტიკაც, რომლის მიხედვითაც, მხოლოდ 2022-2023 წლებში, საზღვრის კვეთის მონაცემებზე დაყრდნობით, საქართველოში 239 334 უცხო ქვეყნის მოქალაქე შემოვიდა, რომელიც 6 თვეზე მეტი ვადით დარჩა. მიგრაციის ერთ-ერთი მთავარი მამოძრავებელი ძალა დასაქმებაა, შესაბამისად, მაღალი ალბათობით, ქვეყანაში დარჩენილი უცხო ქვეყნის მოქალაქეების მნიშვნელოვანი ნაწილი სწორედ ეკონომიკური მიგრანტია. თუმცა, შრომის ბაზარზე სამინისტროს სისტემაში არსებული სტატისტიკის მიხედვით რეგისტრირებული მხოლოდ 42 000 შრომითი იმიგრანტია.
სწორედ ეს შეუსაბამობა მიუთითებს იმაზე, რომ ქვეყანაში შრომითი იმიგრაციის აღრიცხვა და მონიტორინგი სრულყოფილი არ არის და არსებითად ვერ ასახავს იმ სამუშაო ძალას, რომელიც რეალურად ქართულ შრომის ბაზარზე ოპერირებს. შედეგად, რთულდება მიზნობრივი პოლიტიკის დაგეგმვა, შრომითი უფლებების დაცვა და ბაზრის რეალური სურათის ანალიზი",- აღნიშნულია დოკუმენტში.

გათვალისწინებულია კანონის 2026 წლის 1 მარტს ამოქმედება. ამასთან, რეგისტრირებულმა იმ შრომითმა იმიგრანტებმა, რომლებსაც ამ კანონის ამოქმედების მომენტში რეგისტრაციის სტატუსი აქვთ აქტიური, არაუგვიანეს 2027 წლის 1 იანვრისა, უნდა მოიპოვონ სპეციალური სამუშაო უფლება და შესაბამისი კატეგორიის ბინადრობის ნებართვა. ამავდროულად, არ არის გათვალისწინებული კანონისთვის უკუძალის მინიჭება.
ბიზნესსექტორის წარმომადგენლების ნაწილი აცხადებს, რომ შრომის ბაზარი ამ მიმართულებით გარკვეულ რეგულაციებს საჭიროებს, თუმცა მათი თქმით, უცხოელებისთვის სპეციალური სამუშაო უფლების მიღება იმდენად რთული არ უნდა იყოს, რომ რიგ სფეროში არსებული კადრების დეფიციტი კიდევ უფრო გაღრმავდეს.

როგორ აფასებენ პროფკავშირებში შემუშავებულ სიახლეებს?

სტუმარი: რაისა ლიპარტელიანი - G

#ახალიამბები #BusinessMediaGeorgia