აშშ-მ ირანის ბირთვულ ობიექტებზე მასშტაბური იერიში მიიტანა. სამიზნე გახდა ნატანზის, ისფაჰანისა და ფორდოუს ურანის გამამდიდრებელი ქარხნები, რომლებიც ბირთვული იარაღის პროგრამასთან იყო დაკავშირებული. შეტევიდან მალევე ირანმა დაადასტურა, რომ დაზიანებულია სამი უმნიშვნელოვანესი ობიექტი. თუმცა, როგორც თეირანში აცხადებენ, რადიაციული საფრთხის თავიდან ასარიდებლად ობიექტები დროულად იქნა ევაკუირებული და აქტიური მასალები უსაფრთხოდ იქნა გადატანილი.

აღნიშნულთან დაკავშირებით უკვე გაავრცელა განცხადება საერთაშორისო ატომური ენერგიის სააგენტომაც, მათი ოფიციალური პოზიციით,- „ადგილმდებარეობის გარეთ რადიაციის დონის ზრდა არ ფიქსირდება“.

ექსპერტების შეფასებით, ის რომ ობიექტები მიწისქვეშ იყო განლაგებული საფრთხეს ამცირებს, მაგრამ ლოკალურ ზემოქმედებას მთლიანად არ გამორიცხავს.

მიუხედავად განცხადებებისა, სოციალური ქსელები გაივსო კითხვებით, რჩევებითა და რეკომენდაციებით, როგორ უნდა მოიქცნენ ადამიანები, თუკი გავრცელდება ცნობა მათ სიახლოვეს რადიაციული დაბინძურების შესახებ.

სტუმარი: შორენა ლორთქიფანიძე - საერთაშორისო ურთიერთობების სპეციალისტი

#ახალიამბები #BusinessMediaGeorgia