HBO ჰარი პოტერის მაგიურ სამყაროს ტელეეკრანებზე აბრუნებს. ახალი ადაპტაციის გადასაღებად კი Warner Bros. ახალ, მთლიანად ფუნქციურ მინი ქალაქს ჰერტფორდშირში მოქმედ სტუდია Leavesden Studios-ში ააშენებს და ამისთვის 1 მილიარდ გირვანქა სტერლინგს გადაიხდის - ამის შესახებ უცხოური მედია წერს. ახალი გადასაღები მოედანი "ჰარი პოტერის" ახალი სერიალის რამდენიმე სეზონის გადასაღებად გამოიყენება. სტუდიაში როგორც ახალი გზები, ასევე მრავალსართულიანი შენობები და საპარკინგე სივრცეები მოეწყო.გავრცელებული ინფორმაციით, Warner Bros. სერიალის მცირეწლოვანი მსახიობებისთვის გადასაღებ მოედანზე სასკოლო დაწესებულებასაც გახსნის, სხვადასხვა სცენაში მონაწილე ცხოველებისთვის კი ვეტერინარული სივრცეც მოეწყობა. The Sun-თან საუბარში ანონიმურმა წყარომ აღნიშნა, რომ მოეწყობა "პატარა მეტროპოლისი, რომელიც არა მხოლოდ შოუსთვის იქნება ფონი, არამედ მსახიობებისა და გუნდისთვის საჭირო დაწესებულებებსაც მოიცავს".


#ახალიამბები #BusinessMediaGeorgia