19 მაისს Petra Group-სა და ევროპის ნომერ პირველ სასტუმროების ოპერატორ ACCOR-ს შორის კიდევ ერთი თანამშრომლობის ხელშეკრულება გაფორმდება. აქვე გეტყვით, რომ აკორი არის ერთ-ერთი ლიდერი სტუმართ-მასპინძლობის სფეროში, რომელიც 110-ზე მეტ ქვეყანაში 5,500-ზე მეტ ობიექტს, 10,000 საკვებისა და სასმლის ობიექტს, ველნესი ცენტრებს და მოქნილ სამუშაო სივრცეებს მოიცავს. ჯგუფი აერთიანებს 40-ზე მეტ სასტუმროს ბრენდს, პრემიუმიდან ეკონომ კლასამდე. პეტრა ჯგუფის და აკორის ხელშეკრულება კი ითვალისწინებს გუდაურის ერთ-ერთ ყველაზე პრემიალურ ლოკაციაზე, 4 ჰექტარ მიწის ნაკვეთზე მასშტაბური კომპლექსის განვითარებას – შვეიცარიული პრემიუმ ბრენდის, SWISSÔTEL-ის სასტუმროსა და რეზიდენციების პირველი კომპლექსის მშენებლობას. აღსანიშნავია, რომ ეს პეტრა ჯგუფსა და აკორს შორის თანამშრომლობის უკვე მეორე პრეცედენტია. გასული წლის ოქტომბერში, ციხისძირში, Pullman-ის ბრენდის პირველი სასტუმროსა და რეზიდენციების კომპლექსის მშენებლობის დაწყებაც სწორედ ამ ორი ბრენდის თანამშრომლობის ფარგლებში მოხდა.

სტუმარი: ნატა გელაშვილი - „პეტრა ჯგუფის“ მარკეტინგის დეპარტამენტის ხელმძღვანელი

#ახალიამბები #BusinessMediaGeorgia