‘ოცნებამ’ ზურაბ პოლოლიკაშვილის კანდიდატურა UNWTO-ს არჩევნებიდან ისე მოხსნა, რომ ფაქტია, პოლოლიკაშვილს გადაწყვეტილების აღსრულებაზე წარმოდგენაც არ ჰქონდა.

ირაკლი კობახიძე უკვე მეორე დღეა თავს არიდებს დეტალურად პასუხის გაცემას მთავარ კითხვაზე – რა გახდა ამ გადაწყვეტილების მიზეზი? მისი ყველა პასუხი მხოლოდ მინიშნებებით სრულდება და ინტერპრეტაციის ველს ტოვებს. ამასთან, მისთვის ჯერ არავის დაუსვამს კითხვა – რატომ დაუჭირა მხარი ‘ოცნებამ’ საბოლოო ჯამში გაერთიანებული საამიროების კანდიდატს და რატომ არ წარადგინა პოლოლიკაშვილის ნაცვლად, ისევ საქართველოს მოქალაქე UNWTO-ს გენერალური მდივნის პოზიციაზე?

შეგახსენებთ იმასაც, თუ რომელი კითხვები დარჩა მისგან პასუხგაუცემელი: UNWTO-ს გენმდივნის პოზიციიდან საქართველოში მიმდინარე მოვლენებთან დაკავშირებით სიჩუმის შენარჩუნების ფონზე, რაში გაცვალა 'ოცნებამ' მისი კანდიდატურა? და ხომ არ შეიძლება ეს ყველაფერი რუსეთის თამაშების ნაწილი იყოს, რადგან რუსეთი ორგანიზაციიდან სწორედ მისი გენმდივნობის პერიოდში გაირიცხა?

ამ დრომდე UNWTO-ს მოქმედი გენერალური მდივანი ზურაბ პოლოლიკაშვილი ინტერვიუზე არც დასტურს გვეუბნება და არც – უარს, ამიტომ თუ გზაში მისი კონკრეტული პასუხი დაგვეწევა, აუცილებლად გაგაგებინებთ.

სტუმარი: მანანა უგულავა - "ტურიზმის საერთაშორისო აკადემიის" დამფუძნებელი

#საქმიანიდილა-ს #ანალიტიკა ელენე კვანჭილაშვილთან ერთად

#ახალიამბები #BusinessMediaGeorgia