ბაზარზე ახალი ფინანსური ინსტრუმენტის ხელმისაწვდომობისთვის საკანონმდებლო ჩარჩო შეიქმნება. პარლამენტის კომიტეტებში ჯერ კიდევ ერთი წლის წინ მთავრობის მიერ დამტკიცებული “ფაქტორინგის შესახებ” კანონპროექტის განხილვები დაიწყო, რაზეც დაახლოებით 7 წელია მიდიოდა მუშაობა. ფაქტორინგი, ეს არის ფინანსური ინსტრუმენტი, რომლის მეშვეობით მაგალითად ბანკს შეუძლია, თავისი კლიენტის დებიტორული დავალიანება იყიდოს, კომპანიას კი აღნიშნული დავალიანების გაყიდვით, შემოსავლის წინმსწრებად მიღება შეეძლება. კანონპროექტის დამტკიცების შემდეგ ბაზარზე გაჩნდებიან ასევე ფაქტორინგული კომპანიები, რომლებიც ბანკების მსგავსად დებიტორული დავალიანების შესყიდვას შეძლებენ. არის თუ არა ფაქტორინგი ტრადიციული დაფინანსების ალტერნატივა ბიზნესისთვის და რა შეიცვლება დაფინანსების ახალი ინსტრუმენტის ჩამოყალიბების შემდეგ ბაზარზე?

#ახალიამბები #BusinessMediaGeorgia