გასული კვირის ბოლოს თბილისში სამშენებლო მასალების საერთაშორისო გამოფენა — Caucasus Build გაიმართა. გამოფენის მიზანი სამშენებლო ინდუსტრიის განვითარება, დარგში მომუშავე კომპანიებს შორის გამოცდილების გაზიარება და სფეროთი დაინტერესებული პირებისთვის მრავალფეროვანი პროდუქტებისა თუ სერვისების გაცნობა იყო.

Caucasus Build ექსპო ჯორჯიას ყველაზე მასშტაბური გამოფენაა, რომელიც უკვე 30 წელია აღმოსავლეთ ევროპისა და კავკასიის რეგიონისთვის იმართება. ღონისძიებას წელს ექსპო ჯორჯიას მე-11, მე-6, მე-5 და მე-4 პავილიონები და გარე სივრცე მასპინძლობდა. გამოფენაზე წარმოდგენილი იყო სამშენებლო და სარემონტო მასალების დიდი არჩევანი და სპეციალური შეთავაზებები, როგორც ადგილობრივი, ისე საერთაშორისო კომპანიების მხრიდან. ჯამურად გამოფენაში მონაწილეობას 120 კომპანია იღებდა.

გასული 3 დღის განმავლობაში გაიმართა თემატური ღონისძიებები, ვორკშოპები და პანელური დისკუსიები.

სტუმრები: რეზო მესხი - "ჯეტექსი" დირექტორი;
მაკა სურგულაძე - რე/მაქს ჯორჯიას მასტერ ფრენჩაიზის რეგიონალური წარმომადგენლობის ვიცეპრეზიდენტი;
ვაჟა მებაღიშვილი - Noble Real Estate-ს თანადამფუძნებელი

#ახალიამბები #BusinessMediaGeorgia