საქართველოს ძიუდოისტთა ნაკრები ევროპის ჩემპიონია! შერეული გუნდური პირველობის ფინალში ქართველებმა იტალიის ნაკრები დრამატულ ბრძოლაში 4:3 დაამარცხეს. თავიანთი შეხვედრები მარიამ ჭანტურიამ, გურამ თუშიშვილმა, ეთერ ლიპარტელიანმა და სოფიო სომხიშვილმა მოიგეს. აღსანიშნავია, რომ იტალია 3:1-ს იგებდა, მაგრამ სწორედ ამის შემდეგ ჩვენმა გუნდმა ურთულესი სიტუაციიდან გამოსვლა მოახერხა, ზედიზედ სამი ბრძოლა მოიგო და ჩემპიონობა იზეიმა. გადამწყვეტი იყო სომხიშვილის გამარჯვება აზია ტავანოს წინააღმდეგ. საქართველომ ევროპის შერეული გუნდური ჩემპიონატი მესამედ მოიგო, სულ 5-ჯერ ჩატარდა, ჩვენს აქტივში 4 მედალია - 3 ოქრო, 1 ვერცხლი. შეგახსენებთ, რომ ინდივიდუალურ შეჯიბრში ქართველმა ძიუდოისტებმა ევროპის ჩემპიონატზე 4 მედალი მოიპოვეს - ორი ოქრო (გიორგი სარდალაშვილი, ილია სულამანიძე) და ორი ვერცხლი (ტატო გრიგალაშვილი, ეთერ ლიპარტელიანი).

წინ მსოფლიო ჩემპიონატია, რომელიც ბუდაპეშტში - 13-20 ივნისს გაიმართება. 13-19 ივნისს ტატამი ინდივიდუალურ შეჯიბრებებს დაეთმობა, ხოლო 20 ივნისს - გუნდურს.

#ახალიამბები #BusinessMediaGeorgia