დოლარი ათწლეულების განმავლობაში გლობალური ვაჭრობისა და ფინანსების საყრდენი იყო - სიმყარის, ნდობისა და პროგნოზირებადობის სიმბოლო. თუმცა ბოლო დროს, აშშ-ის შიდა პოლიტიკურმა არასტაბილურობამ, განსაკუთრებით პრეზიდენტ დონალდ ტრამპის ადმინისტრაციის ქმედებებმა, ეჭვქვეშ დააყენა ეს ფუნდამენტი. სავაჭრო ომები, ხარჯვითი პოლიტიკა, ფისკალური პრობლემები და საერთაშორისო პარტნიორებთან დაძაბული ურთიერთობები არყევს იმ საყრდენს, რომელზეც გლობალური ფინანსური სისტემა დგას.

ამ პროცესში მთავარი საფრთხე ერთია: თუ დოლარი დაკარგავს თავის ცენტრალურ როლს, გლობალური ეკონომიკა გაცილებით უფრო ფრაგმენტირებული და არამდგრადი გახდება. თუმცა, ამის პარალელურად, საინტერესოა, რამდენად აქვს დღეს ნებისმიერ სხვა ვალუტას დოლარის ჩანაცვლების რეალური შესაძლებლობა?

#ახალიამბები #BusinessMediaGeorgia