გრანტების გაცემაც და მიღება უკვე სრულად “ქართული ოცნების” ნებართვას საჭიროებს. ცვლილებები, რომლის მიხედვითაც ორგანიზაცია მთავრობის თანხმობის გარეშე უცხოურ გრანტს ვერ მიიღებს უკვე ძალაშია. მეორეს მხრივ “ქართული ოცნება” თავად ქმნის სახელმწიფო გრანტის მართვის სააგენტოს, რომელიც შერჩეულ ორგანიზაციებს ბიუჯეტიდან დააფინანსებს. რის საფუძველზე იხელმძღვანელებს მთავრობა გრანტების გაცემაზე თანხმობის ან მასზე უარის თქმისას ცხადი არ არის. არც ისაა ცხადი რა კრიტერიუმით შეირჩევა ორგანიზაციები, ვინც ბიუჯეტიდან მიიღებს დაფინანსებას. ამას რომ ქართული ოცნება ერთპიროვნულად გადაწყვეტს. სხვადასხვა სფეროს წარმომადგენლები აღნიშნავენ, რომ მსგავსი ცვლილებები, რომელიც პოლიტიკური კონტექსტიდან გამომდინარეობს, ხელს შეუშლის დონორი და საერთაშორისო ორგანიზაციების მხარდაჭერის მიღებას.

#ახალიამბები #BusinessMediaGeorgia