მსოფლიო ეკონომიკის ერთ-ერთი მთავარი გამოწვევა - ამერიკის შეერთებული შტატების სატარიფო პოლიტიკაა, რომელიც გლობალურ ბაზრებზე მნიშვნელოვან გავლენას ახდენს და ცხადია ეს გავლენა ჩვენს ქვეყანაზეც აისახება. სწორედ ეს საკითხი მოექცა თიბისი კაპიტალის ფოკუსში გუშინდელ ღონისძიებაზე, სადაც თიბისი კაპიტალმა ამერიკის სავაჭრო პალატის წევრებს მიმდინარე აქტუალური მაკროეკონომიკური და სექტორული განახლებები წარუდგინა. ღონისძიებას - „მსოფლიო და საქართველო: მიმდინარე ტენდენციები“ - ამერიკის სავაჭრო პალატის წევრი კომპანიების, საერთაშორისო საფინანსო ინსტიტუტებისა და სხვადასხვა ქვეყნის საელჩოების წარმომადგენლები ესწრებოდნენ. თიბისი კაპიტალის დირექტორმა სავაჭრო პალატის წევრებს გაუზიარა მოლოდინები, თუ რა გავლენა შეიძლება ჰქონდეს შტატების სატარიფო პოლიტიკას გლობალურ და ადგილობრივ ბაზრებზე.
შეხვედრაზე უძრავი ქონებისა და ტურიზმის სექტორიც მიმოიხილეს. განსაკუთრებული ყურადღება ამ ორ სექტორში არსებულ ტენდენციებსა და შედეგებზე გამახვილდა.

#ახალიამბები #BusinessMediaGeorgia