კონკურენციის და მომხმარებლის დაცვის სააგენტო მაისში ახალ კვლევას წარადგენს, რომელიც სხვადასხვა სექტორებში დემპინგური იმპორტის რისკების საკითხს შეეხება. როგორც სააგენტოში აცხადებენ, მსგავსი რისკები ადგილობრივი წარმოების რამდენიმე დარგში დარგში არსებობს. იქამდე კი სააგენტოში ამ დროისთვის შესაძლო დემპინგურ იმპორტთან დაკავშირებით ადგილობრივი ბიზნესის მიმართვის საფუძველზე ერთი მოკვლევა მიმდინარეობს. ეს განცხადება სააგენტოს თავმჯდომარემ პარლამენტში სხდომის დაწყებამდე გააკეთა, სადაც გაერთიანებული კომიტეტების ფორმატში მომხმარებელთა უფლებების დაცვის საკითხებზე ხუთი მარეგულირებელი უწყების ანგარიშს უსმენენ.


#ახალიამბები #BusinessMediaGeorgia