2024 წლის ივნისში ხელოვნური ინტელექტის მმართველობის გლობალურმა ცენტრმა პასუხისმგებლიანი ხელოვნური ინტელექტის გლობალური ინდექსი გამოაქვეყნა. ეს არის მსოფლიოში პირველი ინდექსი, რომელიც პასუხისმგებლიანი ხელოვნური ინტელექტის საზომ ინდიკატორებს ადგენს და მსოფლიოში მის მდგომარეობას აფასებს. ინდექსმა 138 ქვეყანა დაფარა, მათ შორის, საქართველო, რომელმაც 100 ქულიდან 17.83 აიღო და რეიტინგში მე-60 ადგილი დაიკავა.

ინდექსის შეფასება გენდერული თანასწორობის და AI-ს საკითხსაც შეეხო, სამი მიმართულებით: საკანონმდებლო ჩარჩოს არსებობა, მთავრობის მხრიდან გადადგმული ნაბიჯები, და კერძო სუბიექტების მხრიდან გადადგმული ნაბიჯები. სამივე მიმართულებით, შემფასებელმა ორგანიზაციამ, საქართველოში აღნიშნულის არსებობასთან დაკავშირებით ინფორმაცია თუ მტკიცებულებები ვერ მოიპოვა.

ხელოვნურ ინტელექტს შეუძლია მნიშვნელოვანი როლი ითამაშოს გენდერული მიკერძოების დაძლევაში, გენდერული ძალადობის პრევენციასა და აღმოფხვრაში, ქალთა მიმართ უთანასწორო მოპყრობის იდენტიფიცირებისა და აღმოფხვრაში, თუმცა, თუ AI-ს განვითარებას სათანადო ყურადღება არ მივაქციეთ, მას შეუძლია უფრო გაამწვავოს გენდერული დისკრიმინაცია და გაამყაროს გენდერული სტერეოტიპები.

რუბრიკის წამყვანი: სალომე ზურაბიშვილი - გაეროს გლობალური შეთანხმების საქართველოს ქსელის აღმასრულებელი დირექტორი;

სტუმრები: ანა ლობჟანიძე - გაეროს განვითარების პროგრამის გენდერის მრჩეველი;
ქეთევან დოლაკიძე - კომპანია Quantori Georgia-ს საზოგადოებასთან ურთიერთობის მენეჯერი

#ახალიამბები #BusinessMediaGeorgia