ქართული ოცნება, როგორც ამბობს, ბრიტანული სტანდარტის რეგულაციებით აპირებს მედიის რეგულირებას.“მაუწყებლის შესახებ” კანონში ცვლილების მთავარი მიზანი, რომელიც გუშინ ერთპარტიულმა პარლამენტმა პირველი მოსმენით მიიღო, მაუწყებლებისთვის უცხოეთიდან დაფინანსების შეზღუდვაა. იკრძალება უცხოური ძალისგან როგორც პირდაპირი, ისე არაპირდაპირი დაფინანსება, გარდა კომერციული რეკლამისა. “ოცნების ხელისუფლების მიერ შემოთავაზებული ბრიტანული სტანდარტის მიხედვით, ასევე აიკრძალება უცხოური ძალის მიერ მაუწყებლის მომსახურების შესყიდვა, ან და პროგრამის მომზადების ან/და ეთერში გადაცემის პირდაპირი ან ირიბი დაფინანსება.

ცვლილების მთავარი მიზანი მედიისთვის უცხოეთიდან დაფინანსების შეზღუდვაა, თუმცა მაუწყებლებს ქვეყნის შიგნით არც სოციალური რეკლამის მომსახურება და ამ გზით შემოსავლის მიღება შეეძლებათ. ამავე კანონპროექტში გაწერილია ახალი ამბების პროგრამების, საავტორო გადაცემებისა და სხვა ტელეპროგრამების ეთიკის სტანდარტები. რაც აქამდე თვითრეგულირებადი იყო, ოცნებას კანონის დონეზე დარეგულირება აქვს გადაწყვეტილი. მანდატი ეზრდება კომუნიკაციების ეროვნული კომისიას.

“მაუწყებლის შესახებ კანონში ცვლილებით პირებს მაუწყებლებისთვის სასამართლოსა და კომუნიკაციების კომისიაში საჩივრით მიმართვის შესაძლებლობა ექნებათ. კანონპროექტი განსაზღვრავს "დაინტერესებული პირის" ცნებას, რომელსაც მაუწყებლების წინააღმდეგ 10-დღიან ვადაში სარჩელების აღძვრა შეეძლებათ. მარეგულირებლის ხელთ კი რამდენიმე ბერკეტია, მაუწყებელი გააფრთხილოს ან დააჯარიმოს, ან ავტორიზაცია შეუჩეროს. ეს ყველაფერი არ არის, როგორც ცვლილებების ერთ-ერთმა ავტორმა განაცხადა, ქართული ოცნება არამხოლოდ მაუწყებლების, არამედ ონლაინ მედიების რეგულირებასაც აპირებს.

რა რეალური მიზანი ამოძრავებს “ოცნების” ხელისუფლებას და კანონის ნორმების ამოქმედება რა ცვლილებებს გამოიწვევს მედია ბაზარზე?

სტუმარი: მამუკა ანდღულაძე - მედია ადვოკატირების კოალიციის თავმჯდომარე

#ახალიამბები #BusinessMediaGeorgia