"იანდექსი" და "ბოლტის" ტაქსის გაფიცულ მძღოლებთან თანამშრომლობას ქართული ტაქსის გამოძახების კომპანია "რაში“ იწყებს. ამის შესახებ BM.GE‑სთან ინტერვიუში "რაშის" დამფუძნებელმა, ნოდარ ლაცაბიძემ ისაუბრა. მისი თქმით, მათ პასუხისმგებლობა აიღეს, რომ გაფიცულ მძღოლებს უკეთეს სამუშაო პირობებს შესთავაზებენ. როგორც "რაშის" დამფუძნებელმა აღნიშნა, მათი კომპანიის მიზანი, მხოლოდ ქართველი ტაქსის მძღოლების დასაქმება იქნება, ვინაიდან უცხოელი ტაქსის მძღოლების გაზრდილი რაოდენობის ფონზე, ქართველი ტაქსის მძღოლები არასათანადო პირობებში იმყოფებიან. რაც შეეხება თავად კომპანიას, ქართული ტაქსის გამოძახების კომპანია "რაში“ წლის ბოლომდე ბათუმსა და ქუთაისში აპირებს გასვლას. მენეჯმენტი მიიჩნევს, რომ ქართული ტაქსის გამოძახების აპლიკაციის მიმართ მოთხოვნა რეგიონებში როგორც ტაქსის მძღოლების, ასევე მომხმარებლების მხრიდან ძალიან დიდია.

სტუმარი: ნოდარ ლაცაბიძე - “რაშის” დამფუძნებელი

#ახალიამბები #BusinessMediaGeorgia