გასულ კვირაში რენომირებული საერთაშორისო ჟურნალის „The Economist“ კვლევითმა ინსტიტუტმა დაასრულა განახლება და საჯაროდ გამოაქვეყნა ყოველწლიური დემოკრატიის ინდექსი, რომლის მიხედვით გასულ 2024 წელს 167 ქვეყანას შორის 95-მა ქვეყანამ უკუსვლა განიცადა. დემოკრატიის ინდექსი მნიშვნელოვანი კრიტერიუმია პოლიტიკური რისკების შესაფასებლად საერთაშორისო ინვესტორებისთვის და ფინანსური ინსტიტუტებისთვის, სანამ გადაწყვეტენ კონკრეტულ ქვეყნებში პორტფელური და/ან პირდაპირი ინვესტიციების განხორციელებას. 99-გვერდიან რეპორტში განხილულია დემოკრატიული ცვლილებები როგორც ცალკეული სახელმწიფოების მიხედვით, ისე რეგიონალურ ჭრილში, რომლის მიხედვით 2024 წელს ყველაზე დემოკრატიულ რეგიონად რჩება ჩრდილოეთ ევროპა, დაკვირვების 20 წლიან ისტორიაში, 2005 წლიდან, რომელსაც The Economist-ს კვლევითი ინსტიტუტი ახორციელებს საქართველოსთან მიმართებაში, ჩვენი ქვეყნის პოლიტიკური სისტემა ყოველთვის ჰიბრიდულ ჯგუფში განიხილება.

მიუხედავად ამისა, სწორედ გასულ 2024 წელს დაფიქსირდა შეფასების ისტორიულად ყველაზე დაბალი მაჩვენებელი 4.70 ნიშნულზე, მაშინ როცა შედარებისთვის 2013-2016 წლებში 5.91-5.95 ქულებით ყველაზე მაღალ ნიშნულებზე, საქართველო ყველაზე ახლოს იყო დემოკრატიული რეჟიმების ჯგუფში გადასვლასთან.

როგორ აფასებენ ეკონომისტები ინდექსს და მათ შორის საქართველოს დაბალ მაჩვენებელს?

სტუმარი: არჩილ იაკობაშვილი - ეკონომიკის პროფესორი;

#ახალიამბები #BusinessMediaGeorgia