ანაკლიის ღრმაწყლოვანი ნავსადგურის პროექტთან დაკავშირებით კერძო პარტნიორთან კონტრაქტი, შესაძლებელია, გაზაფხულზე - მაქსიმუმ, ზაფხულში გაფორმდეს - ეს გვითხრა ლევან დავითაშვილმა ამ კვირაში. მისივე თქმით, მოლაპარაკებები ინტენსიურად მიმდინარეობს და მათში მსოფლიოს რამდენიმე წამყვანი კომპანიაა ჩართული.

ლევან დავითაშვილის განმარტებით, მოლაპარაკებების რაინდები უფრო სწრაფად იმიტომ ვერ შედგა და შედეგებიც უფრო სწრაფად იმიტომ ვერ დაიდო, რომ მოლაპარაკებების დროს კონფიდენციალურობის დაცვაა საჭირო, რათა პროცესი მაქსიმალურად ეფექტიანად წარიმართოს.

თინა ხიდაშელთან ერთად გავაანალიზებთ, კიდევ ერთხელ ანაკლიის პორტის პროექტის პერსპექტივას, თუმცა ეს არ იქნება მასთან საუბრის ერთადერთი თემა დღეს.

გუშინ დაგვეწია ეკონომისტის განახლებული დემოკრატიის ინდექსი, სადაც საქართველომ მნიშვნელოვნად უკან დაიხია. ჩვენი სააგენტოს ვებ-გვერდზეც წაიკითხავდით უკვე, რომ 2024 წლის დემოკრატიის ინდექსში საქართველომ ყველაზე მკვეთრი ვარდნა განიცადა, რაც ამ ინდექსით საქართველოს გაზომვის ისტორიაში, ყველაზე დიდი ვარდნაა. გაუარესდა როგორც საქართველოს ქულა ისე მისი პოზიცია ინდექსში. 2023 წელთან შედარებით, საქართველომ 5 პოზიციით უკან დაიხია და 89-ე ადგილიდან 94-ე ადგილზე აღმოჩნდა.

ვისთვის არის არადემოკრატიული საქართველო უფრო მიმზიდველი და რას აჩვენებს ამერიკაში განვითარებული მოვლენების ანალიზი - ლაგდება თუ არა ამერიკა რუსეთთან?

სტუმარი: თინა ხიდაშელი - "სამოქალაქო იდეას" თავმჯდომარე

#საქმიანიდილა-ს #ანალიტიკა ელენე კვანჭილაშვილთან ერთად

#ახალიამბები #BusinessMediaGeorgia