„თბილისს დამშვიდებით ეძინა, მას ჯერ არ გაეგო თავისი სიკვდილი...“ - ასე აღწერს 18 წლის მოხალისე ჯარისკაცი გივი ღამბაშიძე 1921 წლის 25 თებერვლის პირველ წუთებს, როცა ეს-ეს იყო შეიტყო სარდლობის გადაწყვეტილება, თბილისის დატოვების შესახებ.1921 წლის 25 თებერვალს თბილისი მე-11 წითელმა არმიამ დაიკავა. საქართველო რუსული საბჭოთა იმპერიის ნაწილად იქცა. დამოუკიდებლობის დაკარგვას მოჰყვა სასტიკი რეპრესიები, პოლიტიკური პარტიების აკრძალვა, ათასობით ადამიანის დახვრეტა, ხანგრძლივი პატიმრობა და გადასახლება. ხუთკვირიანი ბრძოლისა და გმირული თავგანწირვის მიუხედავად, საქართველოს დემოკრატიული რესპუბლიკის მოქალაქეებმა, ვერ შეძლეს დამოუკიდებლობის დაცვა. სწორედ ამ დღეს, 1921 წელს, თბილისის აღებით რუსეთმა შეწყვიტა საქართველოს დემოკრატიული განვითარება.25 თებერვალს დაწყებულმა საბჭოთა ოკუპაციამ მთელი სამოცდაათი წელი გასტანა… 104 წლის შემდეგ, სიმბოლურად სწორედ 25 თებერვალს ევროპული და ქვეყანაში დემოკრატიული მომავლის დაცვისთვის კიდევ ერთი აქცია დაანონსდა. ამავე ანონსით დასაქმებულები და დამსაქმებლები, ადამიანები, რომლებიც ქმნიან ქვეყნის ეკონომიკას, საკუთარი სამსახურის წინ ე.წ გაფიცვას აანონსებენ და შემდეგ სხვადასხვა ადგილიდან გმირთა მოედნის მიმართულებით მარში მოეწყობა.

სტუმარი: ლარისა პატარაია - Start - Business Solutions-ის მმართველი პარტნიორი

#ქალებისნარატივი ლიკა მეგუთნიშვილთან ერთად

#ახალიამბები #BusinessMediaGeorgia