ევროკავშირის ელჩებმა რუსეთის წინააღმდეგ სანქციების 16-ე პაკეტზე შეთანხმებას მიაღწიეს, რომელიც უკრაინაში რუსეთის სრულმასშტაბიანი შეჭრის მესამე წლისთავისთვის იყო შემუშავებული. სანქციები პირველადი ალუმინის იმპორტის აკრძალვას მოიცავს.

დიპლომატების ცნობით, ამასთან ერთად, ევროკავშირი შავ სიაში შეიყვანს 73 გემს, რომლებიც, სავარაუდოდ, რუსეთის „ჩრდილოვანი ფლოტის“ შემადგენლობაში არიან. ამრიგად, გემების საერთო რაოდენობა 153-მდე გაიზრდება. სანქციების თანახმად, მათ ეკრძალებათ ევროკავშირის პორტებში შესვლა და ევროკავშირის სერვისებით სარგებლობა. ასევე, შესაძლებელი გახდება „ჩრდილოვანი ფლოტის“ გემების მფლობელებისა და ოპერატორების, მათ შორის კაპიტნების შავ სიაში შეყვანაც.

გარდა ამისა, ახალი სანქციები SWIFT-ის ელექტრონული სისტემიდან გათიშავს 13 რუსულ ბანკს და აჩერებს რვა რუსული მედიასაშუალების სამაუწყებლო ლიცენზიებს.

დაგეგმილია სანქციების დაწესება სხვა ქვეყნების კომპანიებზე, რომლებიც რუსეთს სანქციების თავიდან არიდებაში ეხმარებიან. შეზღუდვები შეეხება ათეულობით კომპანიას ჩინეთიდან, თურქეთიდან და შესაძლოა სხვა სახელმწიფოების კომპანიებიც დასანქცირდნენ....
რუსეთის წინააღმდეგ მიმართული სანქციების მე-16 პაკეტს, სავარაუდოდ, 23 თებერვალს დაამტკიცებენ, როდესაც ევროკავშირის საგარეო საქმეთა მინისტრები ბრიუსელში შეიკრიბებიან.

რა გავლენას იქონიებს რუსეთზე სანქციების ახალი პაკეტი?

სტუმარი: ელგუჯა ხოკრიშვილი - პარტიის„გახარია საქართველოსთვის“ წევრი / საქართველოს ყოფილი ელჩი გერმანიაში;

#ახალიამბები #BusinessMediaGeorgia