გუშინ, ქართულმა ოცნებამ ახალი კანონების სრული სპექტრი დაგვიანონსა, რომელმაც შეიძლება ითქვას, რომ კიდევ ერთხელ ცხადყო მმართველი პარტიის სურვილი - ქვეყანაში შეზღუდოს და შეავიწროოს კრიტიკული მედიის არსებობა. გუშინ, პარტიის აღმასრულებელმა მდივანმა, მამუკა მდინარაძემ განაცხადა, რომ მმართველი ძალა უკვე დღეიდან, დაიწყებს კანონის შემუშავებას, რომლითაც მედიასაშუალებების საქმიანობა შეიზღუდება და ჟურნალისტური ეთიკის სტანდარტები განისაზღვრება. როგორც მდინარაძე განმარტავს, კანონით უნდა დადგინდეს მედიის ობიექტურობა, ჟურნალისტური ეთიკის სტანდარტები, ამასთან განისაზღვრება აღნიშნული სტანდარტების მონიტორინგის ინსტიტუციური მექანიზმები. რეპრესიული კანონების ნაწილია მედიასაშუალებების დაფინანსების შეზღუდვა. ასევე მმართველი პარტიის გადაწყვეტილებით, იზღუდება მედიასაშუალებების უცხოური წყაროდან დაფინანსება. მედიის გარდა, გამკაცრდება ანტინარკოტიკული და მიგრაციული კანონმდებლობა, არასრულწლოვანთა მართლმსაჯულება, შეიზღუდება საჯარო სამსახურში უცხოური წყაროებიდან დაფინანსებული სარგებლის მიღება, დაინიციირდება ამერიკული "ფარას" ანალოგიური კანონპროექტი, რომელიც არასამთავრობო სექტორს დაარეგულირებს; ცვლილებები შევა გრანტების შესახებ კანონში, ხოლო სსიპ-ების ხელმძღვანელების დანიშვნები გამარტივდება.მოკლედ, მდინარაძე ამბობს, რომ ჩამოთვლილი, რიგი ცვლილებების მიზანი არის ის, რომ ქვეყანა ბოლომდე დავუბრუნოთ და ვერავინ შეძლოს არარსებული პრობლემებითა და გამოგონილი ბრალდებებით "ჩვენი სამშობლო ამყოფოს მუდმივი ჯანჯღარის რეჟიმში". რაზე მიუთითებს მმართველი პარტიის მიერ დაანონსებული საკანონმდებლო შეზღუდვები, რა ვითარებაში ჩააყენებს მედიას - მედიის კანონი?

სტუმარი: ნათია კუპრაშვილი - “ჟურნალისტიკის რესურსცენტრის” თავმჯდომარე;

#ქალებისნარატივი მარიამ იზორიასთან ერთად

#ახალიამბები #BusinessMediaGeorgia