2024 წელს უძრავი ქონების დეველოპმენტის სექტორში ვადაგადაცილებული სესხების მოცულობა გაორმაგდა. ეროვნული ბანკისთვის წარდგენილი ფინანსური ანგარიშგებებით გასული წლის ბოლოს ამ სექტორის უმოქმედო სესხების მოცულობა 86 მილიონ ლარს აღწევდა, რაც 2023 წელთან შედარებით 90%-ით მეტია.

კომერციული ბანკების ანგარიშგებების მიხედვით, მთლიანობაში ვადაგადაცილებული სესხები უძრავი ქონების დეველოპმენტზე მხოლოდ 2% მოდის. უფრო მეტი ვადაგადაცილებული სესხი სოფლის მეურნეობის სექტორშია და 2.7%-ს შეადგენს, სასტუმროებისა და ტურისტული კომპანიების სექტორში კი ვადაგადაცილებული სესხები პორტფელის 2.4%-საც აღწევს.

როგორია მონაცემები უკვე კრედიტინფო საქართველოს პლატფორმაზე, სადაც ბიზნესის სესხები მთლიანი მაჩვენებლების 42%-ს წარმოადგენს?

სტუმარი: მირიან ჯობავა - “კრედიტინფო საქართველოს” ბიზნეს ანალიტიკოსი

#ახალიამბები #BusinessMediaGeorgia