ილონ მასკი, რომელსაც ტრამპის ადმინისტრაციაში ეფექტიანობის დეპარტამენტი ჩაიბარა, ამბობს, რომ USAID-ი კრიმინალური ორგანიზაციაა, რომელიც ამერიკელი მოქალაქეების ფულით ბიოლოგიური იარაღის, მათ შორის COVID-19-ის კვლევას აფინანსებდა. მსოფლიოს უმდიდრესი ადამიანის განცხადებით, საგარეო დახმარების შემცირებით, რომელსაც ის თაღლითურ შავ ფულად მოიხსენიებს, აშშ-ის ხელისუფლებას შეუძლია ფედერალური ბიუჯეტის დეფიციტი $1 ტრილიონით შეამციროს.

მას შემდეგ, რაც აშშ-ის სამთავრობო ეფექტიანობის დეპარტამენტმა მუშაობა დაიწყო და USAID-ის საქმიანობა შეისწავლა, სააგენტოს ვებგვერდიც გაითიშა. აღნიშნული, როგორც ჩანს, ილონ მასკის განცხადებებს უკავშირდება, რადგან, როგორც მსოფლიოს უმდიდრესი ადამიანი ამბობს, USAID-ის, როგორც ორგანიზაციის გამოსწორება შეუძლებელია, რის გამოც ის უნდა დაიხუროს.

ბოლო ინფორმაციით, USAID-ი სახელმწიფო დეპარტამენტს შეუერთდება, მოქმედი დირექტორი იქნება მარკო რუბიო. რომელიც აშშ-ის პრეზიდენტმა, დონალდ ტრამპმა სახელმწიფო მდივნად დანიშნა. როგორ და რატომ შეიქმნა სააგენტო - USAID?

#ახალიამბები #BusinessMediaGeorgia