ნუშის და კაკლის მწარმოებელთა ასოციაციამ 2024 წლის მოსავალთან დაკავშირებით 160 ფერმერი მათ შორის 75 კაკლის და 85 ნუშის ბაღების მფლობელი ფერმერები გამოჰკითხა. კვლევის შედეგებით, 2024 წელს ქვეყანამ 3500 ტონა ჩანდლერის ჯიშის კაკალი და 3000 ტონა ნუშის მოსავალი მიიღო. ასევე კვლევამ აჩვენა, რომ 20 ჰა - ზე მაღალი მაჩვენებლის ფართობის მქონე ბაღებში მოსავლიანობა უფრო მაღალია ვიდრე პატარა ბაღებში.
ეს სავარაუდოდ განპირობებულია იმით, რომ დიდი ფართობის მქონე ფერმერებს მეტად მიუწვდებათ ხელი ფინანსებზე, გამოცდილ აგრონომებზე და საერთაშორისო გამოცდილებაზე. ასევე გამოკითხვაში ფერმერებმა პასუხი გასცეს კითხვაზე, ჰქონდათ თუ არა მოსავლის ამღები თანამედროვე ტექნოლოგია. გამოკითხული ფერმერების მხოლოდ 15 პროცენტმა გასცა ამ კითხვას პასუხი დადებითად.
11 თვის სტატისტიკით, გასულ წელს საქართველომ 10.7 მლნ აშშ დოლარის 2,746 ტონა ნიგოზი იყიდა რაც 2023 წლის საანგარიშო პერიოდის მაჩვენებელზე თანხაში 46.2%-ით მეტია, რაოდენობაში კი, 49.6%-ით მეტი.
იმპორტის პარალელურად, საქართველოდან კაკლის ექსპორტიც ხორციელდება. 2024 წლის 11 თვეში, საქართველომ 1,082 მლნ აშშ დოლარის 153.5 ტონა ნიგოზი გაყიდა, რაც 2023 წლის მაჩვენებელზე თითქმის 100%-ით მეტია.
სტუმრები: ანა ქევხიშვილი - ნუშის და კაკლის მწარმოებელთა ასოციაციის სამეთვალყურეო საბჭოს წევრი;
ნიკო ნიკოლაძე - ნუშის და კაკლის მწარმოებელთა ასოციაციის სამეთვალყურეო საბჭოს წევრი
#ახალიამბები #BusinessMediaGeorgia