სააგენტო “აწარმოე საქართველოში” კაპიტალის ბაზრის მხარდამჭერ ახალ პროგრამას იწყებს. პროგრამა ორ კომპონენტს მოიცავს - ესაა კომპანიებისთვის ობლიგაციების გამოშვებასთან დაკავშირებული ხარჯების თანადაფინანსება და ტექნიკური დახმარება. სააგენტოში ელიან, რომ მიმდინარე წელს პროგრამაში 15-20 კომპანია ჩაერთვება, რომლებიც ფასიან ქაღალდებს გამოუშვებენ და კაპიტალის ბაზარზე დამატებითი ფინანსური რესურსის მოზიდვას შეძლებენ. შესაბამისი დადგენილება მთავრობამ უკვე დაამტკიცა. რას მოიცავს კაპიტალის ბაზრის მხარდაჭერის სახელმწიფო პროგრამა და რამდენად უზრუნველყოფს ბიზნესისთვის ალტერნატიული დაფინანსების მექანიზმებზე წვდომის გაზრდას?


#ახალიამბები #BusinessMediaGeorgia