საქართველოს ეროვნულმა ბანკმა მონეტარული პოლიტიკის განაკვეთი კვლავ უცვლელად, 11%-ზე დატოვა. სები მიზანშეწონილად მიიჩნევს, სექტემბერში 11.5%-მდე გაზრდილი ინფლაციის ფონზე, გამკაცრებული რეფინანსირების განაკვეთი შეინარჩუნოს. საქართველოს ეროვნული ბანკის მიერ გამოქვეყნებული პროგნოზის მიხედვით, 2023 წლის მეორე ნახევარში ინფლაცია სამიზნე 3%-ს უნდა დაუახლოვდეს, თუმცა იქამდე წლის ბოლომდე ინფლაცია მაღალ ნიშნულზე შენარჩუნდება. სები გავრცელებულ პრესრელიზში წერს, რომ არსებული ინფლაციური რისკების გათვალისწინებით, მკაცრი მონეტარული პოლიტიკა შენარჩუნდება და, სამომავლოდ, მისი ნორმალიზაცია ეტაპობრივად და მხოლოდ მას შემდეგ დაიწყება, რაც ინფლაციის შემცირებას გამოკვეთილი ტრენდი ექნება.

#ახალიამბები #BusinessMediaGeorgia