#სპორტი #SPORT #vedetta #Highlights - რობერტ ლევანდოვსკიმ გუშინ პორტუგალიასთან ერთა ლიგის მატჩში (2:3) პოლონეთის ნაკრების მაისურით მე-100 შეხვედრა ჩაატარა.
პოლონეთის ნაკრებში ლევანდოვსკი პირველად 2008 წლის 10 სექტემბერს სან მარინოს წინააღმდეგ გამოჩნდა. მაშინ ის 20 წლის გახლდათ. დღემდე ჩატარებულ 100 მატჩში კი 55 გოლი გაიტანა, რაც სარეკორდო მაჩვენებელია პოლონეთის ნაკრებში.

საქართველოს ნაკრებთან კი მან ერთგვარი რეკორდიც დაამყარა, როცა ორ წუთში სამი გოლი გაგვიტანა. ეს ამბავი 2015 წლის 13 ივნისს მოხდა ვარშავაში, ევროპის ჩემპიონატის შესარჩევ მატჩში. მაშინ პოლონელებმა 4:0 მოგვიგეს.