* ვენსან კასელი და ტინა კუნაკი საზოგადოებაში ერთად არც ისე ხშირად ჩნდებიან, თუმცა ამ დღეებში ფრანგი მსახიობი და მისი ახალგაზრდა რჩეული კანის კინოფესტივალზე ფილმ „მზის გოგონების“ პრემიერას დაესწრნენ. კასელი და კუნაკი წითელ ხალიჩაზე გრძნობებს არ მალავდნენ. 21 წლის მოდელმა ღონისძიებისთვის ვერცხლისფერი კაბა შეარჩია, ღრმა დეკოლტეთი და თეძოსთან ჭრილით. ვენსანმა კი არჩევანი კლასიკურ სმოკინგზე გააკეთა. შეგახსენებთ, რომ წყვილი ერთად 2015 წლიდან არის, ერთმანეთი მათ იბიცაზე დასვენების დროს გაიცნეს.
* ედ შირანის სიმღერები უკვე დიდი ხანია მთელი მსოფლიოს წამყვანი ჩარტების სალიდერო პოზიციებს იკავებს, თავად მომღერალი კი, მსოფლიოს ყველაზე გავლენიანი მუსიკოსების რიცხვში შედის. ცოტა ხნის წინ, ბრიტანულმა რადიოსადგურმა Smooth Radio ყოველწლიური ხმის მიცემის შედეგები გამოაქვეყნა, რომლის შედეგადაც შირანის ჰიტი „Perfect“, ყველა დროის საუკეთესო სიმღერად დასახელდა. როგორც პორტალის რედაქტორები აღნიშნავენ, აქამდე მუსიკოსის შემოქმედება პირველ პოზიციაზე არასოდეს მოხვედრილა. ამ ფაქტის გამო, შირანმა მსმენელს მადლობა გადაუხადა და განაცხადა, რომ მოხარულია, რომ მისი მონდომება, სასიყვარულო ბალადის დაწერასთან დაკავშირებით დაფასდა და ასეთ პრესტიჟულ გამოკითხვაში მოწინავე პოზიცია დაიმსახურა.
* ამ დღეებში, პაპარაცებმა ანჯელინა ჯოლი 14 წლის ვაჟიშვილთან, პაქსთან ერთად ბევერლი-ჰილსზე დააფიქსირეს. მსგავსი გამოსვლებით ჯოლი თაყვანისმცემლებს არც ისე ხშირად ანებივრებს, შესაბამისად, ინტერნეტ-მომხმარებლები ამ ფაქტს განსაკუთრებით ყურადღებით ადევნებე თვალს. ანჯელინამ ამჯერადაც მკაცრ ჩაცმულობას მიანიჭა უპირატესობა: მას შავი ფერი პიჯაკი, მაისური და შარვალი ეცვა. მაკიაჟზე ვარსკვლავმა ამჯერად უარი თქვა და სახე დიდი ზომის მზის სათვალით დაიფარა. ჯოლი ბევრს იღიმოდა და ბედნიერად გამოიყურებოდა.
________________________
Official Site - http://www.musicbox.ge/
MyVideo - http://www.myvideo.ge/?user_id=921478
Facebook - https://www.facebook.com/MusicBoxGeorgia
Twitter - https://twitter.com/#!/musicboxge
#MusicBox #News #სიახლეები