* ბლეიკ ლაივლის „ინსტაგრამის“ პირადი გვერდიდან ყველა ფოტო გაქრა. მსახიობმა ყველა გამომწერიც გააუქმა, მათ შორის მეუღლე – რაიან რეინოლდსიც. ამჟამად კი ბლეიკი 36 ადამიანის გამომწერია, რომელთა სახელიც ემილი ნელსონია. გაჩნდა იდუმალი წარწერაც: „რა დაემართა ემილის?“ აღსანიშნავია, რომ ბლეიკის ექაუნთი არ არის გატეხილი. როგორც გაირკვა, პროფილის „გაწმენდა“ პრომოაქციას უკავშირდება მისი ახალი ფილმის „უბრალო თხოვნა“ მხარდასაჭერად. ემილი ნელსონი კი ფილმის მთავარი პერსონაჟია, რომლის როლსაც სწორედ ლაივლი ასრულებს.
* პრინცი ჰარისა და მეგან მარკლის ქორწილამდე 2 კვირაზე მეტი რჩება. რამდენიმე თვის წინ, როდესაც თარიღი უკვე გადაწყვეტილი იყო, წყვილმა სტუმრებს სთხოვა, საჩუქრების ნაცვლად არსებული თანხა მათ საქველმოქმედო ფონდეში გადაერიცხათ. როგორც ჩანს, ეს თხოვნა არ ვრცელდება დედოფალ ელისაბედ მეორეზე, რომელმაც თავის შვილიშვილსა და მის რჩეულს ლონდონის მახლობლად მდებარე ულამაზესი York Cottage აჩუქა. წლების წინ აღნიშნული შენობა ელისაბედის ბებიისა და პაპის – მეფე გეორგ V-ისა და მისი მეუღლის, მერის რეზიდენცია იყო. შეგახსენებთ, რომ უფროს შვილიშვილს, პრინც უილიამს ქორწილისთვის მან ასევე Anmer Hall უსახსოვრა, რომელიც York Cottage-თან ახლოს მდებარეობს.
* დასავლური მედიის ცნობით, ჯენიფერ ლოურენსი მარტო აღარ არის და მისი ახალი რჩეული რეჟისორი დევიდ ო’რასელია. 27 წლის მსახიობი და 58 წლის რეჟისორი ნიუ-იორკის ქუჩებში დააფიქსირეს. წყვილმა ჯერ ივახშმა, ხოლო შემდეგ ისეირნა. ორივე ბედნიერად გამოიყურებოდა, ისინი ბევრს საუბრობდნენ და ერთმანეთს უღიმოდნენ. ლოურენსმა და ო’რასელმა ერთმანეთი ფილმის „ჩემი მეგობარი ბიჭი შეშლილია“ გადაღებებზე 2012 წელს გაიცნეს. აღსანიშნავია, რომ ამ ფილმში შესრულებული როლისთის მსახიობმა „ოსკარიც“ აიღო. მას შემდეგ ჯენიფერმა მის ორ ფილმში – „ამერიკული აფიორა“ და „ჯოი“ მიიღო მონაწილეობა.
________________________
Official Site - http://www.musicbox.ge/
MyVideo - http://www.myvideo.ge/?user_id=921478
Facebook - https://www.facebook.com/MusicBoxGeorgia
Twitter - https://twitter.com/#!/musicboxge
#MusicBox #News #სიახლეები