* ორშაბათს, კეიტ მიდლტონი მესამედ გახდა დედა. მშობიარობიდან რამდენიმე საათში კემბრიჯის ჰერცოგინია სამშობიაროდან ვაჟიშვილთან ერთად გამოვიდა, რათა მათ პატარა პრინცის გადაღების საშუალება ჰქონოდათ. მიდლტონი არაჩვეულებრივად გამოიყურებოდა, შესაბამისად გაჩნდა მოსაზრება, რომ რეალურად ჰერცოგინიამ რამდენიმე დღით ადრე იმშობიარა. სერენა უილიამსი ერთ-ერთია, ვინც ეს მოსაზრება საჯაროდ გამოხატა:
“როდესაც კეიტი ასეთ ფორმაში დავინახე ვიფიქრე, რომ მან ნამდვილად ორი დღით ადრე იმშობიარა, რადგან მშობიარობის შემდეგ მე საშინელ მდგომარეობაში ვიყავი. თუ ეს სიმართლეა, ის ნამდვილად უჩვეულო ქალია”, – განაცხადა ჩოგბურთელმა.
* 49 წლის კაილი მინოუგის ცხოვრებაში სიახლეა: ვარსკვლავს ახალი რომანი აქვს და მისი რჩეული ბრიტანული GQ-ს კრეატიული დირექტორი პოლ სოლომონსია.
მომღერალთან დაახლოებული წყაროს ცნობით, ამ ეტაპზე კაილი ურთიერთობით ტკბება და არ ჩქარობს მის გასერიოზულებას. წყვილი ცდილობს, რომანი არ გაახმაუროს.
* ბრიტნი სპირსი ჰორიზონტებს აფართოებს. ვარსკვლავმა საკუთარი ტანსაცმლისა და აქსესუარების ბრენდის შექმნის შესახებ განაცხადა. ხაზის შესაქმნელად ის კომპანია Epic Rights-თან ითანამშრომლებს. ახალი ხაზი მზად 2019 წლისთვის იქნება.
* კრისტინა აგილერა ჯეიმს კორდენის კარაოკე-მანქანის სტუმარი გახდა. მომღერალმა ნამდვილი შოუ მოაწყო და თავის მსმენელს კიდევ ერთხელ შეახსენა საკუთარი ვოკალი.
________________________
Official Site - http://www.musicbox.ge/
MyVideo - http://www.myvideo.ge/?user_id=921478
Facebook - https://www.facebook.com/MusicBoxGeorgia
Twitter - https://twitter.com/#!/musicboxge
#MusicBox #News #სიახლეები