ატვირთვა
ავტორიზაცია რეგისტრაცია

პოლიტიკოსი, რომელიც ამბობს, რომ პოლიცია კლავს, ის უპასუხისმგებლოა

გაზიარება
ოქტომბერი 27, 2017
361
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

პოლიტიკოსები, რომლებიც საკუთარ თავს აძლევენ უფლებას თქვან ,,პოლიცია კლავს'', ჩემი აზრით არიან უპასუხისმგებლო ადამიანები !
პირველ რიგში, სამძიმარს ვუცხადებ გარდაცვლილი ახალგაზრდა ადამიანის ოჯახს და ახლობლებს, მე მინდა გაგიზიაროთ ჩემი მოსაზრება ამ ინციდენტთან დაკავშირებით.
ჩვენ უნდა შევძლოთ ემოციების მართვა და საღი აზრის დაფიქსირება, დაუშვებელია ექსპერტიზის დასკვნის და დაუსრულებელი გამოძიების გარეშე ვისაუბროთ ამ ტრაგედიაზე. არ დაგავიწყდეთ, რომ ვსაუბრობთ ადამიანის სიკვდილზე და არც ის დაგვავიწყდეს რომ ვსაუბრობთ ადამიანებზე, რომლებიც დგანან ჩვენი საზოგადოების უსაფრთხოების სამსახურში, პრაქტიკულად უანგაროდ, რადგან ყველამ იცით რამდენად მიზერულ ხელფასს ვიხდით პოლიციის სერვისში.
გამოძიების დასრულებამდე ერთადერთი რაც შემიძლია ვთქვა არის ის, რომ პრაქტიკაში ბევრჯერ გვაქვს ნანახი სამართალდამცავთა მხრიდან არაპროპორციული ძალის გამოყენების ფაქტი, რომელიც ფატალურად დასრულდა, უფრო მეტიც, გასულ წლებში, როცა 3 პოლიტიკური პარტიის მიერ ორგანიზებულ კანონიერ აქციაზე დაგვაკავეს, ჩვენს მიმართ იქნა გამოყენებული არაპროპორციული ძალა და თითქოს კრიმინალები ვიყავით ისე მოგვექცნენ და ისე უსასტიკესი ფორმით სრულიად უკანონოდ აღგვიკვეთეს თავისუფლება. მეც რომ ნასვამი ვყოფილიყავი ამ დაკავების დროს გამიჭირდებოდა სიცოცხლის შენარჩუნება ! სწორედ აქედან გამომდინარე, მე არასდროს არ გამოვრიცხავ ძალის გადამეტების ფაქტს, რის შედეგადაც შესაძლოა ტრაგედიით დასრულდა ნასვამ მდგომარეობაში მყოფი მოქალაქის სიცოცხლეც, თუმცა მტკიცებით ფორმაში საუბარი, რომ პოლიციამ მოკლა ადამიანი ეს არის უდიდესი შეცდომა საკუთარი სახელმწიფოს და სამართალდამცავი სისტემის მიმართ.
უნდა დაველოდოთ ექსპერტიზას, გამოძიებას და თუ დადგინდა რომ ტრაგედიის მიზეზი პოლიციელთა მხრიდან ძალის გადამეტება იყო უმკაცრესად უნდა მოხდეს მათი დასჯა. უნდა დავიწყოთ სამართალდამცავი უწყების რეფორმა, დაუშვებელია იქ იყვნენ პოლიციის მუნდირში გადაცმული ზონდერები ! თუნდაც ჩვენი უკანონო დაკავების შემდეგ, რომელიც უკანონოდ სცნო სასამართლომ უნდა მომხდარიყო იმ პოლიციელების და მათთვის უკანონო ბრძანების მიმცემი პასუხისმგებელი პირების სისტემიდან ჩამოშორება.



#ირაკლიღლონტი #პოლიტიკა

მაჩვენე მეტი