ვეხმიანებით ჩვენს მეგობრებს, ვისაც "ზეარის" ჭაჭის ჭურჭელთან დაკავშირებით გაუჩნდა კითხვები. ჩვენი ჭურჭელი ორი ნაწილისგან შედგება. პირველ ნაწილში "ზეარის" ჭაჭაა მოთავსებული. მტევანში კი, რომელიც ასევე წარმოადგენს ჭურჭელს (40-50ml) მოთავსებულია ქართული უნიკალური ჯიშის ყურძნისგან დამზადებული ღვინო. სწორედ იგივე ჯიშის ყურძნისგან არის მიღებული ჩვენი ჭაჭაც.
ქართველი კაცი ოდითგანვე ღმერთს ერთი ფიალა ღვინით ადიდებდა და სწორედ ამ ტრადიციამ გვიბიძგა ჩვენი ჭურჭლის გულში ღვინო სიმბოლურად მოგვეთავსებინა. რა თქმა უნდა ასეთი ნატიფი სასმისის შექმნა ადამიანის ხელს თუ შეეძლო და არა სერიული ბოთლის მწარმოებელ დანადგარს. სწორედ ამიტომ მივმართეთ შუშის შექმნის და გამოძერწვის მრავალსაუკუნოვან ტრადიციას. სწორედ ამიტომ ჩვენ ვერ ვუწოდებთ მას "ბოთლს", რადგან იგი ყველა ბოთლზე მაღლა დგას და ამიტომაც ვუწოდებთ "ზეარის" ჭაჭის ჭურჭელს.