www.Reginfo.ge - თელავის რაიონის სოფელ წინანდალში ქმარმა ცოლი მოკლა. ადგილობრივების ინფორმაციით, 29 წლის ქალს სასიკვდილო ჭრილობა ქმარმა თავის არეში თოფით მიაყენა. დაჭრილი საავადმყოფოში მიყვანამდე გარდაიცვალა. შინაგან საქმეთა სამინისტროს ინფორმაციით, მომხდარი ფაქტის შემდეგ, ბრალდებულმა თვითმკვლელობა სცადა. კერძოდ, თავის არეში, სანადირო თოფიდან გასროლით თავი დაიჭრა. იგი თელავის რაიონულ საავადმყოფოში გადაიყვანეს, სადაც ბადრაგის მეთვალყურეობის ქვეშ გადაუდებელი ოპერაცია ჩაუტარდა.