ყურით მიიყვანეთ ის თელაველები და ანახეთ სამუშაოები - მინისტრი

„რას ქვია არაფერი კეთდებაო? მიბრძანდით, მიიყვანეთ ყურით ის თელაველები, სად მოძებნეთ არ ვიცი და ვინ რამდენი გადაუხადა, მიიყვანეთ ბატონო და ანახეთ იქ სამუშაოები არ გაჩერებულა არცერთი წუთით“, - ასე მიმართა რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა ჟურნალისტს. მინისტრის გაღიზიანება „ბიზნესკურიერში“ გასულმა სიუჟეტმა გამოიწვია, რომელიც თელავში შეჩერებულ მშენებლობებს შეეხებოდა. სიუჟეტში ადგილობრივები ამბობდნენ, რომ ქალაქში დაწყებული პროექტები გაჩერებულია და არაფერი კეთდება.