ინგლისის ჩემპიონშიპის მე-3 ტურში, ვილა პარკზე, ადგილობრივმა ასტონ ვილამ ჰადერსფილდს უმასპინძლა. მატჩი ფრედ 1-1 დასრულდა.

სტადიონზე მოსულმა გულშემატკივრებმა, მატჩის მე-10 წუთზე (მოგეხსენებათ ასტონ ვილაში დელიან ატკინსონი 10 ნომრიანი მაისურით თამაშობდა), დელიან ატკინსონის ხსოვნას პატივი მიაგეს.

ვილა პარკზე შეკრებილ გულშემატკივრებს აჩვენეს ატკინსონის გატანილი გოლები, მათ შორის ყველასთვის ცნობილი, უიმბლდონის კარში გატანილი გოლი. ასევე გაიხსენეს 1994 წელს, ინგლისის ლიგის თასის ფინალში, მანჩესტერ იუნაიტედის კარში გატანილი გოლი.

დელიან ატკინსონს, ორშაბათს გამთენიისას, მამამისის სახლთამ, ტელფორდში შელაპარაკება მოუვიდა პოლიციელთან, რომელმაც მის წინააღმდეგ ელექტრო შოკი გამოიყენა. ატკინსონი უგონო მდგომარეობაში გადაიყვანეს ჰოსპიტალში, სადაც მისი გადარჩენა ვერ მოხერხდა.

მეზობლის, პაულა ქვინის განცხადებით, პოლიციის თანამშრომლები ატკინსონს ურტყამდნენ და მის წინააღმდეგ რამოდენიმეჯერ გამოიყენეს ელექტროშოკი.

პირად ანკეტაზე დაყრდნობით დელიან ატკინსონის გულმა მუშაობა, Princess Royal Hospital-ში 03:00-ზე შეწყვიტა.