აზერბაიჯანი ავრცელებს კადრებს, სადაც სომხური სამხედრო ბაზის განადგურების მომენტია ასახული

#ყარაბაღისკონფლიქტი - აზერბაიჯანის თავდაცვის სამინისტრომ ახალი ვიდეოკადრები გაავრცელა, სადაც, როგორც უწყება იტყობინება, ასახულია მოწინააღმდეგის სამხედრო ტექნიკისა და სომხური სამხედრო ბაზის კუთვნილი შტაბის განადგურების მომენტი. ბოლო ორი დღის განმავლობაში, საბრძოლო მოქმედებების შედეგად, 16 აზერბაიჯანელი სამხედრო დაიღუპა. როგორც „ბიბისი“ იტყობინება, ამის შესახებ აზერბაიჯანის თავდაცვის სამინისტრომ განაცხადა. უწყების ცნობით, გუშინ ღამის განმავლობაში დაიღუპა 70-მდე სომეხი ჯარისკაცი და განადგურდა სამხედრო ტექნიკის 20-მდე ერთეული.