სეტყვის საწინააღმდეგო რაკეტა ლაგოდეხში საძინებელ ოთახში ჩავარდა

კახეთის საინფორმაციო ცენტრი I www.ick.ge - ლაგოდეხის რაიონის სოფელ კაბალში ასლანოვების საცხოვრებელ სახლს სეტყვის საწინააღმდეგო რაკეტა დაეცა. რაკეტამ სახლის სახურავი გახვრიტა, საძინებელ ოთახში ჩავარდა და ბავშვის საწოლზე აფეთქდა. საბედნიეროდ შემთხვევას მსხვერპლი არ მოჰყვა, რადგან ბავშვი იმ საღამოს ნათესავთან იმყოფებოდა. შემთხვევა გუშინ, ღამით, დაახლოებით 22:30 საათზე მოხდა, როცა კომპანია „დელტამ“ სეტყვის საწინააღმდეგო გასროლა განახორციელა. ცეცხლის ჩაქრობა მეზობლებმა საკუთარი ძალებით მოახერხეს.