სტიქიის შედეგად დატბორილი ძაღლთა თავშესაფრი - აღდგენითი სამუშაოები (Tamaz Elizbarashvili dog shelter)

ამ წუთებში თამაზ ელიზბარაშვილის ძაღლების თავშესაფარში გაწმენდითი სამუშაოები მიმდინარეობს, სადაც ჩართულია, როგორ თავშესაფრის მეგობრებისაგან შემდგარი ჯგუფები ასევე თბილისის მერიის სატრანსპორტო საქალაქო სამსახური. - გთხოვთ ყველას, ვისაც შეგიძლიათ იქნება ეს მატერიალური თუ ფიზიკური დახმარება გამოიჩინოთ გულისხმიერება და დაეხმაროთ თავშესაფრის აღდგენაში. დავუფასოდ ბატონ თამაზს მისი ამაგი, რომელსაც იგი წლებია თავშესაფარს ბინადრების მიმართ არ იშურებს.

შეგახსენებთ, რომ გუშინ (03,04,05) გვიან ღამით უხვი წვიმის შედეგად მდინარე ვერე ჯებირებიდან გადმოვიდა და თავშესაფარი დატბორა, წყლის დონემ თავშესაფრის ტერიტორიაზე გადააჭარბა 1.5 მეტრს, რამაც გამოიწვია თავშესაფრის ბინადრების ნაწილის დახრჩობა.

*თავშესაფარი დაარსა ბ–ნ თამაზ ელიზბარაშვილმა 2004 წლის შემოდგომით.
თავშესაფრის ტერიტორიაზე განთავსებულია ოფისი, ვეტერინალური კლინიკა, სარეაბილიტაციო პალატები, სამშობიარო ბლოკი, კარანტინის ბლოკი, სალონი, სასეირნო ტერიტორია, ძაღლის ღია და დახურული ვოლიერები, დათვის ვოლიერები.
თავშესაფარი იფარებს ან ეხმარება:
1. პატრონისაგან მიტოვებულ ძაღლებს.
2. დაკარგულ ძაღლებს.
3. ტრამვირებულ ან ავადმყოფ უპატრონო ქუჩის ძაღლებს.
4. მურა დათვებს.
თავშესაფარიდან ხდება ძაღლების გაჩუქება. ამისათვის საჭიროა ოჯახის დანარჩენი წევრების სიტყვიერი თანხმობა, პირადობის მოწმობა და გასაუბრების გავლა თავშესაფარის დამფუძნებელთან ან დირექტორთან.
გაჩუქებულ ძაღლს აქვს უფასო სამედიცინო მომსახურეობა სიცოცხლის ბოლომდე.
პერიოდულად ხდება გაჩუქებული ძაღლის მონახულება თავშესაფარის თანამშრომლების მიერ. თუ ის არის არასათანადო პირობებში, ხდება მისი დაბრუნება უკან თავშესაფარში.

დაარსებიდან დღემდე თავშესაფარის მიერ გადარჩენილი და შეფარებულია 3 000 – მდე უსახლკარო და მიტოვებული ძაღლი, არა ერთი მათგანი კი სანდო ხელშია გაჩუქებული.
2014 წლის 07 მარტის მონაცემებით თავშესაფარში 230– მდე სრულიათ ჯანმრთელი და ვაქცინირებული ძაღლი და 5 ქართული მურა დათვია, რომლებიც ორჯერადი სრულყოფილი კვებით და ვეტერინალური მომსახურეობით არიან უზრუნველყოფილი.
თავშესაფარის აფინანსებს ბ–ნ. თამაზ ელიზბარაშვილი.