გურჯაანის საკრებულოში ოპოზიცია აპროტესტებს, რომ უმრავლესობა მათ აზრსაც არ ითვალისწინებს და ოპოზიციური დეპუტატების მიერ დაყენებულ საკითხებსაც კენჭს არ უყრიან. დეპუტატების შეფასებით, სესიებზე მათი დასწრება ფორმალურია . რამდენიმე არ გამორიცხავს, რომ საკრებულოს სხდომებში მონაწილეობა აღარ მიიღოს. ნაციონალური მოძრაობიდან საკრებულოს წევრი, ზაქარია იაგანაშვილი კი მოითხოვს, რომ მომდევნო სესიებს გამგებელი ან დარგის კურატორები დაესწრნონ და დეპუტატების მიერ დასმულ კითხვებს პასუხი გასცენ.