ატვირთვა
ავტორიზაცია რეგისტრაცია

საახალწლო ღონისძიება თბილისის 64-ე საჯარო სკოლაში

გაზიარება
დეკემბერი 18, 2014
1 977
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

საქართველოს განათლებისა და მეცნიერების მინისტრის მოადგილე ლია გიგაური და სამინისტროს ზოგადი განათლების დეპარტამენტის უფროსი ნინო კვიტაიშვილი დღეს, თბილისის 64-ე საჯარო სკოლას ეწვივნენ და სკოლის ინტერგრირებული კლასის მოსწავლეების საახალწლო ღონისძიებას დაესწრნენ. წარმოდგენის შემდეგ, ლია გიგაურმა და მამა გიორგი ყიფშიძემ მოსწავლეებს დამდეგი ახალი წელი მიულოცეს და საჩუქრები გადასცეს.
თბილისის N64 საჯარო სკოლის ინტერგრირებულ კლასში ექვსი სმენადაქვეითებული ბავშვი სწავლობს. ბავშვებთან მულტიდისციპლინარული გუნდი მუშაობს, რომლის შემადგენლობაშია: ფსიქოლოგი, მეტყველების თერაპევტი, სურდოლოგი, სპეცპედაგოგი, საგნის პედაგოგი. ბავშვებისთვის შექმნილია ინდივიდუალური საგანმანათლებლო გეგმა, რომლის მიხედვითაც მიმდინარეობს საგაკვეთილო პროცესი საკლასო ოთახსა და რესურს ოთახში. ხდება ბავშვების ინტეგრირება თანატოლებთან და სოციალურ გარემოსთან.
საქართველოს განათლების და მეცნიერების სამინისტრო 2013 წლიდან ახორციელებს „ინკლუზიური სწავლების ხელშეწყობის პროგრამის“ „საჯარო სკოლებში ინტეგრირებული კლასების დაფინანსების პროგრამას“.
პროგრამის ფარგლებში, 2013-2014 წლებში, საქართველოს განათლებისა და მეცნიერების სამინისტროს ფინანსური მხარდაჭერით, სენსორული (სმენა) დარღვევების მქონე მოსწავლეებისათვის ინტეგრირებული კლასი გაიხსნა თბილისის №64 საჯარო სკოლაში, აუტისტური სპექტრის აშლილობის მქონე მოსწავლეებისათვის კი, ინტეგირებული კლასები თბილისის №166, №41, №72 და ქალაქ თელავის №9 საჯარო სკოლებში ფუნქციონირებს.

ინტეგრირებული კლასი ემსახურება იმ სპეციალური საგანმანათლებლო საჭიროების მქონე მოსწავლეებს, რომელთა სწავლებაც რთულია კლასში და ეს პროცესი მეტნაკლებად ხელს უშლის სხვა მოსწავლეების ეფექტური განათლების პროცესს, რადგან სახეზეა ისეთი ტიპის დარღვევები, რომელთა მართვაც საგაკვეთილო პროცესის მართვასთან ერთად პედაგოგს უჭირს.

მაჩვენე მეტი