თბილისის ისტორიის მუზეუმში ფორუმი - გამოფენა „საქართველოს ქალები ხუროთმოძღვრებაში“ გაიხსნა. ღონისძიებას საქართველოს განათლებისა და მეცნიერების სამინისტროს პროფესიული განათლების განვითარების დეპარტამენტის უფროსი თამარ ქიტიაშვილი, გერმანიის საერთაშორისო თანამშრომლობის საზოგადოების (GIZ) კერძო სექტორის განვითარების პროექტების მენეჯერი მარიტა რიდელი, გერმანიის საელჩოს წარმომადგენელი კატერინა დერკორინი და სხვა მოწვეული სტუმრები დაესწრნენ.
ღონისძიება მიზნად ისახავდა ქალების მნიშვნელოვანი როლის შეფასებასა და დაფასებას სამშენებლო ბიზნესისა და ხუროთმოძღვრების სფეროში. განსაკუთრებულია ქალების წვლილი ქართული დიზაინის განვითარების საქმეში და ფორუმიც სწორედ ქალბატონების საქმიანობის შემდგომ მოტივირებას და წახალისებას მიეძღვნა.
ღონისძიებამ გააერთიანა 3 ძირითადი მიმართულება განათლება, როგორც პროფესიული ასე უმაღლესი, მშენებლობა, განსაკუთრებით პროფესიული განათლების ჭრილში და გენდერი, ვინაიდან დღევანდელ გამოფენაზე წარმოდგენილია მოლოდ ქალბატონების ნამუშევრები.