რუსულ სატელევიზიო შოუში ინციდენტი მოხდა - მამაკაცმა ავტომობილის გამო გოგონა სასტიკად სცემა. Daily Mail-ის ინფორმაციით, კონკურსი, რომლის წესის მიხედვითაც გამარჯვებულია ის, ვისაც პრიზზე ხელი დიდხანს ექნება დადებული, ინციდენტით დასრულდა.

როგორც ჩანს, ერთ-ერთ მამაკაცს ნერვებმა უმტყუნა და თანამონაწილე ქალი სასტიკად სცემა - ჯერ იატაკზე წააქცია, შემდეგ კი სახეში მუშტი გამეტებით ურტყა. ვიდეო, რომელიც YOUTUBE-ზე აიტვირთა, უკვე ათასობით ადამიანმა ნახა. თუმცა, როგორც კომენტარებში ვკითხულობთ, ქალი მთელი შოუს განმავლობაში ყველა მონაწილეს და განსაკუთრებით თავდამსხმელ კაცს ლანძღავდა და ეუხეშებოდა. საზოგადოების ნაწილი კი წერდა, რომ როგორი პროვოკაციაც არ უნდა ყოფილიყო, ქალის ფიზიკური შეურაცხყოფა დაუშვებელია.