დღეს, სასტუმრო ქორთიარდ მარიოტში შეზღუდული შესაძლებლობების მქონე და სპეციალური საგანმანათლებლო საჭიროების მქონე პირთა დასაქმების ერთიანი პოლიტიკის განსაზღვრას მიზნით ორდღიანი კონფერენცია გაიხსნა. კონფერენციაზე მოხდება არსებული კონტექსტისა და დასავლეთის საუკეთესო გამოცდილების ანალიზის საფუძველზე დასაქმების ერთიანი პოლიტიკის ჩამოყალიბება.
ღონისძიებას საქართველოს განათლებისა და მეცნიერების მინისტრის პირველი მოადგილე ქეთევან ნატრიაშვილი, ნორვეგიის განათლებისა და კვლევის სამინისტროს წარმომადგენლები, შშმ პირთა დასაქმების საკითხების განმსაზღვრელი სახელმწიფო უწყებები: ეკონომიკის, ფინანსთა და რეგიონული განვითარების სამინისტროების წარმომადგენლები, არასამთავრობო ორგანიზაციები და სხვა მოწვეული სტუმრები დაესწრნენ.