ატვირთვა
ავტორიზაცია რეგისტრაცია

მცხეთა-მთიანეთის რეგიონში პროფესიული სასწავლებელი დაფუძნდება

გაზიარება
ოქტომბერი 21, 2014
343
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

მცხეთის მუნიციპალიტეტის სოფელ წინამძღვრიანთკარში პროფესიული სასწავლებელის რეაბილიტაცია იწყება, რომელიც ერთადერთი პროფესიული ცენტრი იქნება რეგიონში. ამის თაობაზე განცხადება საქართველოს განათლებისა და მეცნიერების მინისტრმა თამარ სანიკიძემ გააკეთა, რომელიც დღეს, სოფლის მეურნეობის მინისტრთან ოთარ დანელიასთან, მცხეთა-მთიანეთის გუბერნატორთან ნუგზარ ყიფიანთან და ადგილობრივი თვითმართველობის წარმომადგენლებთან ერთად, სოფელ წინამძღვრიანკარში ჩავიდა და ის ძველი შენობა მოინახულა, სადაც ადრე პროფესიული სასწავლებელი ფუქციონირებდა.

საზოგადო მოღვაწემ და ქველმოქმედმა ილია წინამძღვრიშვილმა 1883 წელს, საკუთარ მამულში, თავისი ხარჯითა და საზოგადოების დახმარებით, გახსნა წინამძღვრიანთკარის სასოფლო–სამეურნეო სკოლა. 1933 წელს სკოლის ბაზაზე შეიქმნა სასოფლო-სამეურნეო ტექნიკუმი. 2006 წლის მონაცემებით, სასწავლებელი ორიენტირებული იყო აგრარულ მიმართულებებზე. 2010 წელს პროფესიული სასწავლებლის ლიკვიდაცია განხორციელდა.

საქართველოს განათლებისა და მეცნიერების მინისტრის გადაწყვეტილებით, პროფესიული სასწავლებლის ძველ შენობას 2014-2015 წლებში სრული რეაბილიტაცია ჩაუტარდება, ცენტრი განაახლებს ფუნქციონირებას და კვლავ აღორძინდება ის სასოფლო-სამეურნეო მიმართულელბები, რომლებიც წლების წინ წარმატებით ფუქციონირებდა. სასწავლებელში ასევე ამოქმედდება სხვა მოთხოვნადი პროფესიები.

მაჩვენე მეტი