ინფორმირებულნი ხართ, 24 აგვისტოს ალჟირის პირველობაზე "კაბილია" შინ 1:2-ზე დამარცხდა "უსმ ალჟირთან", რის შემდეგაც წაგებით გამწარებულმა მასპინძელთა ფანებმა ქვები დაუშინეს საკუთარ ფეხბურთელებს და იმ შეხვედრაში მათი გუნდიდან ერთადერთი გოლის გამტან 24 წლის კამერუნელ თავდამსხმელს ალბერტ ებოსეს თავში გაარტყეს. ალბერტი ქალაქ ტიზი-უზუს საავადმყოფოში გადაიყვანეს, მაგრამ ექიმებმა მისი გადარჩენა ვერ შეძლეს. მომხდარი ტრაგედიის გამო "კაბილიას" ბელგიელი მწვრთნელი უგო ბროოსი გადადგა და შემდეგი განაცხადა:" აგრესიული ფაქტები ხშირად ხდება ალჟირულ ფეხბურთში. მაგრამ იმ დღეს ყველაფერი აპოკალიფსს გავდა. ისინი დამნაშავეს ვერასოდეს ვერ იპოვნიან. სტადიონზე ექიმთა ბრიგადაც კი არ იყო".

ქვეყნის ჩემპიონატი ახლაც დროებით შეჩერებულია, "კაბილიას" არენა კი მთელი სეზონით დისკვალიფიცირებული. ცნობისათვის, ებოსე , რომელიც წლების წინ უიგანის ღირსებას იცავდა 17 გატანილი გოლით ალჟირის ჩემპიონატის საუკეთესო ბომბარდირი იყო.