ესპანეთში ახალი სეზონი მხურვალედ დაიწყო. დაიწყო რონალდუსა და მესის შედარების ახალი ეტაპიც. პორტუგალიელმა ვარსკვლავმა Portuguese TV-ს ექსკლუზიური ინტერვიუ მისცა, სადაც განაცხადა, რომ ის მესიზე უკეთესია.
“მესის არ ვეჯიბრები. ეს ყველაფერი პრესის გამოგონილია. ჩვენ პროფესიონალური, ნორმალური ურთიერთობა გვაქვს ერთმანეთთან.
ხალხის აზრს პატივი უნდა ვცე, მაგრამ ჩემი ცხოვრება მათ მოსაზრებებზე დამოკიდებული არ არის. არც ერთი ჩვენგანი არ არის უკეთესი ან უარესი. ორივე ჩვენს მაქსიმუმს გავცემთ მოედანზე და ყველაფერს ვაკეთებთ ეროვნული ნაკრებისა თუ კლუბის დასახმარებლად. ორივეს გვინდა, რომ საუკეთესოები ვიყოთ.
ვფიქრობ, ჩემს საქმეში საუკეთესო ვარ. ეს შეუძლებელიც რომ იყოს, ყოველთვის ვიფიქრებდი, რომ მე უკეთესი ვარ!”, – აცხადებს რონალდუ.