გუშინ “რეალსა” და “ფიორენტინას” შორის გამართულ ამხანაგურ მატჩში საინტერესო ფაქტი დაფიქსირდა.
შეხვედრის 75-ე წუთისთვის მოედანზე “სამეფო კლუბის” 12 მოთამაშე იმყოფებოდა და ორ ფეხბურთელს 7 ნომრიანი მაისური ეცვა. მაშასადამე, “რეალის” ღირსებას ორი რონალდო იცავდა.
საქმე იმაში გახლავთ, რომ მადრიდელების კუთხურის დროს მოედანზე “ბლანკოსის” გულშემატკივარი შევიდა და საყვარელი კლუბის დახმარება სცადა, თუმცა მისი “რეალის” რიგებში “დებიუტი” დიდი ხნით არ გაგრძელებულა – მსაჯმა დანახვისთანავე “დაუპატიჟებელ სტუმარს” მოედნის დატოვებისკენ მოუწოდა.