ატვირთვა
ავტორიზაცია რეგისტრაცია

სამედიცინო უნივერსიტეტში საერთაშორისო კონფერენცია გაიმართა

გაზიარება შექმენი ლუპი
ივლისი 1, 2014
104
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

თბილისის სახელმწიფო სამედიცინო უნივერსიტეტში ორდღიანი საერთაშორისო კონფერენცია მიმდინარეობს თემაზე - პროექტით ,,TEMPUS MUMEENA" მიღწეული წარმატებები და სამედიცინო განათლების მომავალი აღმოსავლეთ ევროპაში. კონფერენციის მუშაობაში მონაწილეობა საქართველოს განათლებისა და მეცნიერების მინისტრმა თამარ სანიკიძემ მიიღო.

,,TEMPUS MUMEENA“ წარმოადგენს ევროკავშირის მიერ დაფინანსებულ ტემპუსის სამწლიანი პროექტს "დიპლომამდელი სამედიცინო განათლების მოდერნიზაცია ევროგაერთიანების აღმოსავლეთ სამეზობლო ქვეყნებში".

კონფერენციაში მონაწილეობს პროექტის განმახორციელებელი ყველა პარტნიორი ქვეყანა: ლიდსის (დიდი ბრიტანეთი), უტრეხტის (ნიდერლანდები), გრანადის (ესპანეთი), რომის საკრეკორის (იტალია), კიევის და ივანო-ფრანკოვსკის (უკრაინა), ბაქოს და ნახიჩევანის (აზერბაიჯანი), თბილისის სამედიცინო და ივანე ჯავახიშვილის სახელობის თბილისის სახელმწიფო უნივერსიტეტები.

კონფერენციას უძღვება პროექტის კოორდინატორი – ევროპის სამედიცინო განათლების ასოციაციის (AMEE) პრეზიდენტი, ლიდსის უნივერსიტეტის სამედიცინო განათლების ინსტიტუტის დირექტორი, პროფესორი ტრუდი რობერტსი. კონფერენციაში, გარდა ქართველი პროფესორებისა, პარტნიორი უნივერსიტეტებიდან მონაწილეობას იღებს დარგის 23 უცხოელი წარმომადგენელი.

პროექტის მიზანს წარმოადგენდა დიპლომამდელი სამედიცინო განათლების ინტეგრირებული კურიკულუმის შემუშავება ევროპის სამედიცინო განათლების ასოციაციის, სამედიცინო განათლების მარეგულირებელი თემატური ასოციაციის MEDINE და სამედიცინო განათლების მსოფლიო ფედერაციის სტანდარტების შესაბამისად.

მაჩვენე მეტი